Kamchatkada 19 yo‘lovchi va uch ekipaj a’zosi bo‘lgan Mi-8T vertolyoti g‘oyib bo‘ldi. Bu haqda Federal havo transporti agentligi xabar berdi.
![](/static/2024/08/31/photo_2024-08-31_16-47-29-bkmwU2pe.jpg)
Vertolyot Vachkajets vulqoni hududidan Petropavlovsk-Kamchatskiy Yelizovo aeroportidan 17 km uzoqlikda joylashgan Nikolayevka maydoniga uchayotgan bo‘lgan.
“Belgilangan vaqtda, Moskva vaqti bilan 07:15 atrofida vertolyot ekipaji aloqaga chiqmadi”, dedi Federal havo transporti agentligi matbuot kotibi Artem Korenyako.
Dastlabki maʼlumotlarga ko‘ra, bortda 22 nafar kishi, jumladan uch nafar ekipaj aʼzosi va 19 nafar yo‘lovchi bo‘lgan. Yo‘qolgan samolyotni qidirish uchun yana bir Mi-8 vertolyoti jalb qilingan.
Rossiya FVVga ko‘ra, “ kompaniyaning Mi-8 vertolyoti, shuningdek, Rossiya FVV Kamchatka qutqaruv markazining quruqlikdagi guruhi yo‘qolgan samolyotni qidirish uchun yo‘lga chiqqan”.
“Vertolyot bilan aloqa Vachkajets vulqoni hududida, ya’ni parvoz boshida uzilib qolgan”, deya mazkur xabarni Rossiya Tergov qo‘mitasining transport bo‘yicha Sharqiy mintaqalararo tergov boshqarmasi tasdiqlagan.
Agentlik tomonidan Jinoyat kodeksining 263-moddasi (havo transporti harakati va ulardan foydalanish xavfsizligi qoidalarini buzish) bilan jinoyat alomatlari mavjudligi yuzasidan tekshiruv o‘tkazilmoqda.
Izoh (0)