Gayananing Venesuela bilan chegarasi yaqinida bortida yetti kishi bo‘lgan harbiy vertolyot g‘oyib bo‘ldi. Bu haqda Associated Press xabar berdi.
Gayana hukumati hududda yomon ob-havo kuzatilgani, Venesuela qo‘shinlari tomonidan osmon o‘qqa tutilgani bo‘yicha belgilar mavjud emasligini bildirdi. Armiya qo‘mondoni general Omara Xonning aytishicha, Gayana Bell 412 EPI vertolyoti yonilg‘i quyib bo‘lgach Gayana g‘arbidagi Oliv-Krik aholi punktidan havoga ko‘tarilgan. Mudofaa kuchlari shunday keyin vertolyot bilan aloqani yo‘qotgan.
Vertolyot bortida ikki ekipaj aʼzosi va besh nafar yuqori martabali ofitser bo‘lgan. Ular Venesuela o‘ziniki deb daʼvo qilayotgan chegara hududini qo‘riqlayotgan qo‘shinlarni tekshirish uchun parvoz qilgan.
Samolyotning Venesuela chegarasidan taxminan 48 kilometr sharqda g‘oyib bo‘lishi Gayana va Venesuela o‘rtasida Essekibo hududi yuzasidan keskinlik kuchaygan bir paytda sodir bo‘ldi. Venesuela hududni o‘ziniki deb da’vo qilib, Ispaniya hukmronligidan beri mamlakatning bir qismi ekanini ta’kidlaydi.
Izoh (0)