Камчаткада 19 йўловчи ва уч экипаж аъзоси бўлган Ми-8Т вертолёти ғойиб бўлди. Бу ҳақда Федерал ҳаво транспорти агентлиги хабар берди.
![](/static/2024/08/31/photo_2024-08-31_16-47-29-bkmwU2pe.jpg)
Вертолёт Вачкажец вулқони ҳудудидан Петропавловск-Камчатский Елизово аэропортидан 17 км узоқликда жойлашган Николаевка майдонига учаётган бўлган.
“Белгиланган вақтда, Москва вақти билан 07:15 атрофида вертолёт экипажи алоқага чиқмади”, деди Федерал ҳаво транспорти агентлиги матбуот котиби Артем Кореняко.
Дастлабки маълумотларга кўра, бортда 22 нафар киши, жумладан уч нафар экипаж аъзоси ва 19 нафар йўловчи бўлган. Йўқолган самолётни қидириш учун яна бир Ми-8 вертолёти жалб қилинган.
Россия ФВВга кўра, “ компаниянинг Ми-8 вертолёти, шунингдек, Россия ФВВ Камчатка қутқарув марказининг қуруқликдаги гуруҳи йўқолган самолётни қидириш учун йўлга чиққан”.
“Вертолёт билан алоқа Вачкажец вулқони ҳудудида, яъни парвоз бошида узилиб қолган”, дея мазкур хабарни Россия Тергов қўмитасининг транспорт бўйича Шарқий минтақалараро тергов бошқармаси тасдиқлаган.
Агентлик томонидан Жиноят кодексининг 263-моддаси (ҳаво транспорти ҳаракати ва улардан фойдаланиш хавфсизлиги қоидаларини бузиш) билан жиноят аломатлари мавжудлиги юзасидан текширув ўтказилмоқда.
Изоҳ (0)