Vnukovo aeroportida yuklarning ichida suvenir tank bo‘lgan yo‘lovchi to‘xtatildi. Bu haqida Federal bojxona xizmati RBK saytiga maʼlum qildi.
“Tank haykalchasi haqiqatan ham Vnukovo bojxonachilari tomonidan 2024-yil 19-yanvar kuni Toshkentdan kelgan O‘zbekiston fuqarosida aniqlangan”, deyiladi boshqarma matbuot xizmati xabarida.
Erkak “yashil yo‘lak”dan o‘tganida “Yantar” radiatsiya monitoringi tizimi ishga tushgan. Ko‘zdan kechirish chog‘ida bojxonachilar erkakning shaxsiy buyumlari ichidan tank shaklidagi sariq rangli metalldan yasalgan haykalchani topgan.
Haykalchadagi nurlanish darajasi tabiiy meʼyordan 56 baravar yuqori ekani aniqlangan.
Bojxona xodimlari tank haykalchasini radioaktiv moddalar bilan ishlaydigan maxsus xizmat vakillariga topshirgan.
Mazkur holat bo‘yicha Ichki ishlar vazirligi tergov o‘tkazayotgani maʼlum qilindi.
Izoh (0)