Taniqli qiziqchi Valijon Shamshiyevning Layli taxallusi bilan ijod qiladigan xonanda qizi Instagram’dagi sahifasi orqali oilasi haqidagi savollarga javob berdi. Xususan u ota-onasining bir necha yil avval ajrashishgani haqida ham so‘zlab berdi.
Xonanda Layli o‘z hikoyasini ota-onasi qanday tanishganidan boshlagan.
“Dadam bobomga shogird bo‘lib, uylariga kelib yurganlar, shundan tanishishgan”, deb yozadi u.
“Ota-onam ikkita — Toshkent va Andijonda 1998-yilning 12—14-sentyabr kunlari to‘y qilishgan”, deydi Layli.
“To‘ylari juda shov-shuvli bo‘lgan. Valijon Shamsiyev Erkin Komilovning qiziga uylanayotgan ekan, deb eshitganlar kelavergan ekan. Damas’chilar faqat bularning to‘yiga odam tashigan ekan. To‘ylari katta stadionda bo‘lgan”, deb yozadi Valijon Shamshiyevning qizi.
“Keyinchalik ukalarim tug‘ilishgan. Yillar o‘tib katta bo‘ldik, men maktabni bitirib, kollejga kirdim. Har yili konsertlar berardik. Hayotimiz go‘zal va judayam baxtli edik”, deydi xonanda.
“Bu voqealar 2018-yilda bo‘lgan. 2018-yil biz uchun eng qayg‘uli va alamli yil bo‘lib qoldi”, deya xotirlaydi Layli.
“Oyim uydan ketayotgandagi holat esimda: Hammamiz oyimning orqasidan yugurib, yig‘lab qolgandik. Hatto kichkina ukamgacha orqalaridan yugurganmiz, ketmang, deb”, deydi xonanda.
“O‘shanda biz 7 farzand edik. Ota-onam ajrashishdi va bu narsa hammamizga yomon ta’sir ko‘rsatdi. Uka-singillarim hammasi har qayoqqa tarqab ketdi va uyimiz huvillab qoldi”, deydi Layli.
Valijon Shamshiyev o‘zbek shou-biznesining eng serfarzand vakillaridan biri. Bir necha oy avval u 11-marta ota bo‘lgan edi.
So‘z ustasining 8 qizi va uch o‘g‘li bor.
Izoh (0)