Таниқли қизиқчи Валижон Шамшиевнинг Лайли тахаллуси билан ижод қиладиган хонанда қизи Instagram’даги саҳифаси орқали оиласи ҳақидаги саволларга жавоб берди. Хусусан у ота-онасининг бир неча йил аввал ажрашишгани ҳақида ҳам сўзлаб берди.
Хонанда Лайли ўз ҳикоясини ота-онаси қандай танишганидан бошлаган.
“Дадам бобомга шогирд бўлиб, уйларига келиб юрганлар, шундан танишишган”, деб ёзади у.
“Ота-онам иккита — Тошкент ва Андижонда 1998 йилнинг 12—14 сентябрь кунлари тўй қилишган”, дейди Лайли.
“Тўйлари жуда шов-шувли бўлган. Валижон Шамсиев Эркин Комиловнинг қизига уйланаётган экан, деб эшитганлар келаверган экан. Damasъчилар фақат буларнинг тўйига одам ташиган экан. Тўйлари катта стадионда бўлган”, деб ёзади Валижон Шамшиевнинг қизи.
“Кейинчалик укаларим туғилишган. Йиллар ўтиб катта бўлдик, мен мактабни битириб, коллежга кирдим. Ҳар йили концертлар берардик. Ҳаётимиз гўзал ва жудаям бахтли эдик”, дейди хонанда.
“Бу воқеалар 2018 йилда бўлган. 2018 йил биз учун энг қайғули ва аламли йил бўлиб қолди”, дея хотирлайди Лайли.
“Ойим уйдан кетаётгандаги ҳолат эсимда: Ҳаммамиз ойимнинг орқасидан югуриб, йиғлаб қолгандик. Ҳатто кичкина укамгача орқаларидан югурганмиз, кетманг, деб”, дейди хонанда.
“Ўшанда биз 7 фарзанд эдик. Ота-онам ажрашишди ва бу нарса ҳаммамизга ёмон таъсир кўрсатди. Ука-сингилларим ҳаммаси ҳар қаёққа тарқаб кетди ва уйимиз ҳувиллаб қолди”, дейди Лайли.
Валижон Шамшиев ўзбек шоу-бизнесининг энг серфарзанд вакилларидан бири. Бир неча ой аввал у 11 марта ота бўлган эди.
Сўз устасининг 8 қизи ва уч ўғли бор.
Изоҳ (0)