20-avgust kuni Ostonada Qozog‘istonda atom elektr stansiyasini qurish masalasi jamoatchilik muhokamasi bo‘lib o‘tdi.
Tadbirda yadro sanoatining yetakchi ekspertlari, davlat organlari va fuqarolik jamiyati vakillari ishtirok etdi. Asosiy e’tibor texnologik xavfsizlik, loyihaning ijtimoiy-iqtisodiy oqibatlari va mamlakatning kelajakdagi energetika xavfsizligi masalalariga qaratildi.
Muhokamalar chog‘ida Atom sanoatini rivojlantirish assotsiatsiyasi raisi Aldiyar To‘qtarov mamlakat energetika sohasini rivojlantirish uchun AES qurish maqsadga muvofiqligini taʼkidladi.
Taraqqiyot uchun energiya kerak, men bu yerda o‘zim uchun ham, boshqa tengdoshlarim uchun ham istiqbollarni ko‘ryapman, deydi To‘qtarov.
U, shuningdek, Qozog‘istonning AES loyihasini amalga oshirishdagi ishtiroki darajasiga qiziqish bildirgan.
“Qozog‘iston AESlari” AJ direktori Timur Jantikinning ta’kidlashicha, loyiha maksimal darajada mahalliylashtirishni nazarda tutadi. U, shuningdek, qurilish va foydalanish bosqichida mahalliy yadro yoqilg‘isidan foydalanish va qozog‘istonlik mutaxassislarni jalb qilish rejalashtirilganini qayd etgan.
Jantikinning qo‘shimcha qilishicha, ayni damda 600 ga yaqin qozog‘istonlik mutaxassislar Turkiyada AES qurilishida ishlamoqda, Qozog‘iston jamoasi esa Rossiyada BN-800 atom reaktorini qurishda ishtirok etgan.
Izoh (0)