Jahon chempionati oldidan yana bir yo‘qotish: Ravshan Eliboyev jarohat oldi

Yaqindagina jarohatidan tuzalib safga qaytgan O‘zbekiston futzal milliy terma jamoasi darvozaboni Ravshan Eliboyev Fransiyaga qarshi o‘rtoqlik uchrashuvida jarohat oldi. Bu haqda O‘zbekiston futbol assotsiatsiyasi matbuot xizmati xabar berdi.

“Tekshiruv natijalari uning barmog‘i singanini va ma’lum muddatga safdan chiqqanini ko‘rsatdi. 

Afsuski, futzalchimiz yaqinlashib kelayotgan FIFA Futzal Jahon chempionatini o‘tkazib yuborishi maʼlum bo‘ldi.

Ravshanning tezroq sog‘ayishini tilab, uni qo‘llab-quvvatlashda davom etamiz”, deyiladi matbuot xizmati xabarida.

Avvalroq Davron Choriyev ham Jahon chempionatini o‘tkazib yuborishi ma’lum bo‘lgan edi. 

Ma’lumot uchun, musobaqalar 14-sentyabrdan 6-oktyabrgacha Toshkent, Andijon va Buxoro viloyatlarida bo‘lib o‘tadi.