Madridning “Real” klubi yarim himoyachisi Luka Modrich Xorvatiya terma jamoasining Millatlar ligasi doirasidagi Portugaliya va Polshaga qarshi o‘yiniga chaqiruv oldi.
![](/static/2024/08/20/38-letnij-luka-modrich-planiruet-sygrat-na-chempionate-mira-2026-goda_1724125299323979934-m1N-B9LT.jpg)
Ispaniyaning AS portali xabar berishicha, Modrich Yevro—2024 musobaqasidan keyingi ikkilanishga qaramay, alaloqibat terma jamoada qolishga qaror qilgan.
Manbaga ko‘ra, Luka 2026-yilda AQSH, Kanada va Meksikada bo‘lib o‘tadigan jahon chempionatida ishtirok etishni orzu qiladi. Modrich yarim himoyada unga sifatli o‘rinbosar topishda qiynalayotgan Xorvatiya terma jamoasi uchun muhim shaxs deb hisoblaydi.
Zlatko Dalich shogirdlari 5-sentyabr kuni Portugaliyaga, 8-sentyabr kuni Polshaga qarshi bahs olib boradi.
Joriy mavsumda Luka “Real” safida ikkita o‘yin o‘tkazdi va bu o‘yinlarda samarali harakat amalga oshirmadi.
Eslatib o‘tamiz, Modrichning Xorvatiya terma jamoasidagi eng yaxshi natijasiga 2018-yilda erishgan. Rossiyada bo‘lib o‘tgan jahon chempionati finaliga qadar yetib borgan xorvatlar Fransiyaga 2:4 hisobida imkoniyatni boy bergandi.
Yarim himoyachi, shuningdek, 2018-yilda “Oltin to‘p” sovrinini ham qo‘lga kiritgan.
Izoh (0)