Amsterdam munitsipaliteti josuslik xavfi tufayli davlat xizmatchilariga ish telefonlarida Telegram’dan foydalanishni taqiqladi. Bu haqda shahar kengashi a’zosi Aleksandr Sholtes xabar berdi.
Sholtes BNR radiostansiyasiga Amsterdam munitsipaliteti “ilovadagi jinoiy faoliyat va josuslik xavfi” tufayli o‘z davlat xizmatchilariga Telegram messenjeridan ish telefonlarida foydalanishni taqiqlaganini tasdiqlagan. Taqiq aprel oyining oxirida joriy qilingan, biroq bu haqda ommaviy ravishda e’lon qilinmagan.
Uning so‘zlariga ko‘ra, Telegram go‘yoki “xakerlar, kiberjinoyatchilar va narkotik sotuvchilar uchun boshpanadir”.
Amsterdam rasmiylari ilova orqali josuslik qilish ehtimolidan ham xavotir bildirgan. Shu bilan birga, radiostansiya Telegram Rossiyada yaratilgan bo‘lsa-da, uning bosh ofisi hozir Dubayda joylashgani va kompaniya rasman Virjiniya orollarida joylashganini eslatgan.
Qayd etilganidek, Niderlandiyaning boshqa hududlari Telegram’dan foydalanishni taqiqlamagan.
Iyun oyida Amsterdam munitsipaliteti “inson huquqlari va josuslik bilan bog‘liq xavotirlar tufayli” Xitoyda ishlab chiqarilgan kameralardan foydalanishni to‘xtatishi xabar qilingan edi.
Izoh (0)