Ispaniyada Oliy sud qarori bilan joriy etilishi rejalashtirilgan Telegram messenjerini vaqtinchalik blokirovka qilish to‘xtatildi. Bu haqda Madrid sudi 25-mart kuni ma’lum qildi, deya DW xabar berdi.
Tegishli qarorni sudya Santyago Pedras qabul qilgan. Pedras Telegram’da Bosh razvedka komissari hisobotini kutish niyatida. Messenjerni bloklash qarori 22-mart kuni Ispaniyaning Mediaset, Atresmedia va Movistar Plus media kompaniyalarining ilova foydalanuvchilarga mualliflik huquqi ruxsatisiz audiovizual kontentni yuklab olish imkonini berishi haqidagi shikoyatlari sababli qabul qilingan edi.
CNMC raqobat organi ma’lumotlariga ko‘ra, Telegram Ispaniyada to‘rtinchi eng mashhur xabar almashish xizmatidir. CNMC tomonidan so‘ralgan ispanlarning deyarli 19 foizi undan foydalanadi.
Izoh (0)