O‘zbekiston prezidenti farmoni bilan O‘zbekiston taʼlim va fan xodimlari kasaba uyushmasi Respublika kengashi raisining o‘rinbosari Jalilov Shuhrat Ilhamovich O‘zbekiston Respublikasining Faxriy yorlig‘i bilan mukofotlandi. Bu haqda prezident matbuot kotibi Sherzod Asadov xabar berdi.
![](/static/2024/08/17/photo_2024-08-17_20-07-37-0ISJAaVN.jpg)
Jalilov davlat idoralari va jamoat tashkilotlaridagi ko‘p yillik samarali mehnati, mahalla instituti va kasaba uyushmalari faoliyatini takomillashtirish, keksa avlod vakillarini qo‘llab-quvvatlashga qo‘shayotgan munosib hissasi, yoshlarni tarbiyalash yo‘lidagi ibratli ishlari, ijtimoiy hayotdagi faol ishtiroki tufayli mukofotlangan.
Tavalludining 85 yilligi munosabati bilan berilgan ushbu mukofotni Sherzod Asadov 17-avgust kuni O‘zbekiston Kasaba uyushmalari Federatsiyasi raisi Qudratilla Rafiqov bilan birgalikda Shuhrat Jalilovga tantanali ravishda topshirdi.
Izoh (0)