Way II kompaniyasining investitsiya to‘plamlari sotuvining birinchi bosqichiga bag‘ishlangan tadbir bo‘lib o‘tdi. Tadbirda investorlar kompaniya faoliyati va yaratilgan imkoniyatlari bilan tanishtirildi.
Tadbirda kompaniyaning birinchi loyihasi – Markaziy Osiyodagi alyuminiy konstruksiyalarni ishlab chiqaruvchi yetakchi kompaniya – Akfa Aluminium Group haqida ma’lumot berildi.
“Tadbir davomida kompaniyani rivojlantirish istiqbollari va investitsiya mahsulotini sotuvining birinchi bosqichi boshlanishi e’lon qilindi. Bu esa Akfa Aluminium Group va investorlarga rivojlanishning yangi bosqichini belgilab beradi”, deya ta’kidlaydi kompaniya mutaxassislari.
Anʼanaga ko‘ra, savdo kunining rasmiy boshlanishi va yakunlanishini ifodalovchi ramziy qo‘ng‘iroq chalindi. Bir asrdan ortiq tarixga ega bo‘lgan an’ana kompaniyaning bozor faoliyatining ochilishini ifoda etadi.
Investitsiya to‘plamlari sotuvining birinchi bosqichi e’lon qilindi va 15 daqiqada 104 milliard 775 million so‘mlik birinchi to‘plam to‘liq sotib bo‘lindi.
Investitsiya to‘plamlari birinchi bosqichining tez sur’atda sotilishi Akfa Aluminium Group va Way II loyihalariga bo‘lgan qo‘llab-quvvatlash, qiziqish va ishonch va investorlarning ishonchliligi ekani o‘z isbotini topdi.
Kompaniyaga bo‘lgan ishonch kapitalni boshqarishdagi islomiy adolat va etika tamoyillariga asoslangan moliyaviy vositalar investitsiya strategiyalari uchun eng ma’qul tanlovga aylanayotgani ham sabablardan biridir.
“Tez orada investitsiya loyihasi sotuvining yangi bosqichlari e’lon qilinadi. Investorlar ishonchini oqlash va investitsiyalar uchun foydali imkoniyatlar taklif qilish ustida ishlashni davom ettiriladi," — dedi Way II bosh operatsion direktori Aziz Qosimxo‘jayev.
Uchrashuv, avvalo investorlarga turli biznes egalari bilan aloqa o‘rnatishga va investitsiya qilishning eksklyuziv shartlari haqida birinchi bo‘lib xabardor bo‘lishga imkon yaratdi.
Way II islom moliyasi tamoyillariga rioya etishga alohida e’tibor qaratadi va bu Islamic Finance Consulting Board (IFCB) kompaniyasining Islom moliyasi bo‘yicha Ilmiy kengashi xulosasi bilan tasdiqlangan.
Way II haqida
Kompaniya ixtisosligi kapital tuzilmalarni optimallashtirish va loyihalarning moliyaviy barqarorligini oshirishga qaratilgan ulushli moliyalashtirishni jalb etishga qaratilgan. Way II o‘z faoliyatini shaffoflik, ishonch va professionallik tamoyillari asosida yuritadi.
Birinchi investitsiya to‘plami doirasida Way II investorlarga Markaziy Osiyodagi alyuminiy konstruksiyalar ishlab chiqaruvchi yetakchi korxona — Akfa Aluminium Group ulushini sotib olishni taklif etdi. Bugungi kunda mazkur korxona mintaqadagi eng yirik avtomatlashtirilgan ishlab chiqarish majmualaridan biriga ega.
Izoh (0)