O‘zbekiston bosh vaziri Abdulla Aripov Afg‘onistonga tashrif buyurdi

 O‘zbekiston bosh vaziri Abdulla Aripov Kobulga tashrif buyurdi. Bu haqda Tolibon Sanoat va savdo vazirligi ma’lum qildi.

Unga ko‘ra, O‘zbekiston bosh vazirining Kobulga tashrifidan maqsad O‘zbekistonda ishlab chiqarilgan mahsulotlar ko‘rgazmasini ochish va “Tolibon” harakati bilan savdo aloqalari bo‘yicha ikki tomonlama uchrashuvda ishtirok etishdan iborat.

Mazkur safar oldidan O‘zbekistonning Investitsiyalar, savdo va sanoat vaziri Laziz Qudratov Kobulga borib, “Tolibon” vakillari bilan uchrashuv o‘tkazgan.

“Tolibon” Sanoat va savdo vazirligi xabariga ko‘ra, ushbu uchrashuvda Kobul va Toshkentda “Tolibon” va O‘zbekiston o‘rtasida savdo palatalarini tashkil etish va iqtisodiy aloqalarni rivojlantirish masalalari muhokama qilingan.