Xalqaro boks federatsiyasi (IBF) avgust oyi uchun yangilangan reytingni e’lon qildi.
-IxA5pIoh.jpg)
Unga ko‘ra super og‘ir vazn toifasidagi bokschi, havaskor boksda ikki karra Olimpiada chempioni Bahodir Jalolov hamda so‘nggi jangida mag‘lubiyatga uchragan Shohjahon Ergashev top-15 reytingini tark etdi.
Bundan avvalgi reytingda Jalolov va Ergashev o‘z vazn toifasida 13-o‘rinda qayd etilgandi.
Hozirda reytingda 2 nafar o‘zbekistonlik bokschi qoldi:
- Birinchi yarim yengil vazn toifasida (55,3 kg) Murodjon Ahmadaliyev 4-o‘rinda qayd etildi;
- Yarim o‘rta vazn toifasida (66,6 kg) Shahram G‘iyosov 10-o‘rinni egalladi.
1-avgust kuni Shahram G‘iyosov Migel Perraga qarshi jang qildi va ochkolar hisobida raqibini mag‘lub etdi. Uning professional boksdagi g‘alabalar soni 16 taga yetdi.
28-iyul kuni Shohjahon Ergashev amerikalik Julian Smitga qarshi ringga ko‘tarildi va faoliyatidagi ikkinchi mag‘lubiyatini qabul qilib oldi.
Izoh (1)
Isroil Madrimov yo'qmi reytingda?