Amerikalik sobiq jahon chempioni Bahodir Jalolovning Olimpiadadagi ishtirokini keskin tanqid qildi

Boks bo‘yicha sobiq jahon chempioni, 2016-yilgi Olimpiada o‘yinlari kumush medali sovrindori, amerikalik Shakur Stivenson professional bokschilarning Olimpiadadagi chiqishiga qarshi chiqdi.

2024-yilda Parijda bo‘lib o‘tgan Olimpiadada O‘zbekiston terma jamoasi birdaniga beshta oltin medalni qo‘lga kiritib, boks bo‘yicha musobaqa g‘olibi bo‘ldi. Musobaqada ishtirokchilarining 4 nafari, jumladan, terma jamoa yetakchisi Bahodir Jalolov ham professional boksda ishtirok etadi.

Sobiq jahon chempioni professional boksda ishtirok etayotgan sportchilarning Olimpiadada ishtirok etishini yaxshi tajriba emasligini ta’kidladi.

“AQSH bunga qarshi kurashni boshlashi kerak. xanjarni xanjar bilan urib tushiriladi. Ular professional bokschilarga Olimpiadada qatnashishlariga ruxsat berishi kerak. Ammo mening o‘zim bu imkoniyatni rad etardim, chunki men uch raund jang qilishni yomon ko‘raman. Bu juda tez”, deya WorldBoxingNews.net Shakurning so‘zlarini keltiradi.

Ma’lumot uchun, Parijda oltin medalni qo‘lga kiritgach, Ikki karra Olimpiada g‘olibi Bahodir Jalolov havaskor boksdagi faoliyatini yakunlaganini e’lon qildi va bundan keyin bor e’tiborni professional boksga qaratmoqchi ekanini aytdi.