Olimpiada o‘yinlari boshlanganidan beri huquq-tartibot idoralari xodimlari Parij va uning atrofida 200 kishini hibsga oldi.
Bu haqda Fransiya Ichki ishlar vazirligi rahbari Jerald Darmanin ma’lum qilgan.
“200 kishi hibsga olindi, ulardan 180 nafari hozir qamoqda”, dedi u.
Ichki ishlar vazirligi rahbarining so‘zlariga ko‘ra, Olimpiya o‘yinlarning birinchi haftasida jinoyatchilik darajasi sezilarli darajada kamaygan. Unga ko‘ra, o‘g‘riliklar soni 24 foizga, avtomashinalarni o‘g‘irlash esa 10 foizga kamaygan.
Vazir jinoyatchilikning kamayishini Olimpiada vaqtida tartibni saqlashga ko‘plab politsiya xodimlari jalb qilingani bilan izohladi.
Olimpiya obyektlari joylashgan Ile-de-Frans hududida 35 ming nafar politsiyachi va jandarmlar, 18 ming harbiy xizmatchi va xususiy xavfsizlik kompaniyalarining bir necha ming xodimlari xizmat olib bormoqda.
Izoh (0)