AQSH Isroilni Eron koalitsiyasi hujumlaridan himoya qilish uchun Yaqin Sharqqa yangi harbiy qismlar joylashtiradi. Bu haqda Jerusalem Post nashri xabar berdi.
Manbada aytilishicha, 1-avgust kuni AQSH prezidenti Jo Bayden hamda Isroil bosh vaziri Binyamin Netanyaxu o‘rtasida telefon muloqoti bo‘lib o‘tgan. Unda AQSH yetakchisi Isroilga harbiy yordamni davom ettirishga vaʼda bergan.
Bayden Isroil rahbariga tez fursatda Isroilga yangi harbiy kontingent yuborilishini maʼlum qilgan Bu qarorga kelishdan maqsad esa Isroil mudofaasini kuchaytirish hamda Yaqin Sharqdagi AQSH manfaatlarini himoya qilishdir.
Telefon muloqotida, Oq uy maʼmuriyati rahbari Erondan kelayotgan barcha tahdidlarga, jumladan, uning “terrorchi sunʼiy yo‘ldoshlariga” qarshi kurashda Isroil xavfsizligini himoya qilishga sodiq qolishini yana bir bor tasdiqlagan. Isroilga nisbatan har bir tahdid uchun munosib javob qaytarilishi bildirilgan.
“Prezident Isroilning tahdidlarga qarshi mudofaasini, jumladan, ballistik raketalar va uchuvchisiz uchoqlarga qarshi mudofaasini qo‘llab-quvvatlash bo‘yicha saʼy-harakatlarni muhokama qildi. AQSHning yangi mudofaa harbiy qo‘shinlarini Isroilga jo‘natish haqida so‘z bordi”, deyilgan AQSH tomoni telefon qo‘ng‘irog‘idan keyin eʼlon qilgan bayonotda.
Prezident Bayden vaʼda qilgan harbiy kontingent qanday hajmda bo‘lishi hamda qachon yuborilishi hozircha maʼlum emas. Ikki mamlakat vazirlari tez orada norasmiy kelishuv yuzasidan qo‘shma bayonot eʼlon qilishi xabar qilingan.
Izoh (0)