Avstraliya politsiyasi 2-avgust kuni AQSHdan olib kelingan 538 million dollar qiymatdagi narkotik moddalarni ushlab qolgan. Bu haqda Reuters nashri xabar berdi.
Manbada aytilishicha, qonunbuzarlar narkotik moddalarni sanoat texnikalari ichiga yashirib olib o‘tish uringan. Biroq bojxona punktida yangi o‘rnatilgan qurilmalar nomaʼlum moddalar borligini ko‘rsatgan.
Tintuv davomida jami qiymati 828 million Avstraliya dollari (538 million AQSH dollari) ga teng bo‘lgan metamfetamin moddasi aniqlangan. Barcha narkotik moddalar yig‘ib olingan va ro‘yxatdan o‘tkazilgan.
Narkotik moddaning umumiy hajmi 900 kilogramm atrofida bo‘lgan. Yuklarni 31 yoshli Sidneyda yashovchi fuqaro olib o‘tishga uringan. Fuqaroning shaxsi aniqlanib, bojxona punktining o‘zida hibsga olingan.
Politsiya xabar berishicha, musodara qilingan moddalar Sidneydagi mebel do‘koniga yuborilishi kerak bo‘lgan. AQSH Ichki xavfsizlik departamentining anonim manbasidan olingan tavsiya va razvedka maʼlumotlariga asosida Avstraliya bojxona nazorati xodimlari oldindan narkotik jo‘natma haqida maʼlumotga ega bo‘lgan.
Izoh (0)