Tramp har bir fuqaro elektromobilga egalik qilishiga qarshi ekanini aytdi

Milliarder Ilon Maskni qo‘llab-quvvatlashiga qaramay, Respublikachilar partiyasidan prezidentlikka nomzod Donald Tramp hammaning elektromobilga ega bo‘lishiga qarshi ekanini aytdi. Bu haqda Reuters xabar berdi.

“Ilon Mask meni qo‘llab-quvvatladi va u mening do‘stim... lekin men hammaning elektromobilga ega bo‘lishiga qarshiman”, dedi Tramp Chikagodagi chiqishi chog‘ida.

Nashrning qayd etishicha, bir necha yil avval sobiq prezident va tadbirkor o‘rtasida ancha keskin munosabatlar bo‘lgan – ular ochiqchasiga bir-birini haqorat qilishgacha borgan. Biroq hozir Tramp va Mask o‘rtasidagi munosabatlar yaxshi.

Eslatib o‘tamiz, may oyida Mask Tramp Oq uyga qaytsa, unga maslahatchi bo‘lishi haqida xabar berilgan edi.