Falastinning HAMAS guruhi yetakchisi Ismoil Haniya va Livandagi “Hizbulloh” harakati qo‘mondoni o‘ldirilishi ortidan mintaqadagi vaziyat keskinlashgani fonida AQSH harbiy-dengiz kuchlari Sharqiy O‘rta Yer dengizi va Fors ko‘rfazida 12 ta harbiy kemani shay holatga keltirdi.
Bu haqda The Washington Post Pentagon vakiliga tayanib xabar berdi.
USS Teodor Ruzvelt yadroviy aviatashuvchi oltita kemasi bilan Fors ko‘rfazining janubida Eron qirg‘oqlari yaqinida joylashgan. Kemalar u yerga Qizil dengizdan yo‘naltirilgan bo‘lib, ular ilgari savdo kemalariga husiylarning hujumlariga qarshilik ko‘rsatib turgan.
Isroil yaqinidagi Sharqiy O‘rta Yer dengizida AQSH harbiy-dengiz kuchlarining amfibiya qo‘nish guruhi beshinchi avlod F-35 Lightning II qiruvchi samolyotlari, USS Oak Hill amfibiya doki va USS Wasp universal desant kemasi joylashgan.
Kemalarda 24-dengiz ekspeditsion batalyoni bor. Uning tarkibi ikki ming dengiz piyodasidan iborat.
Bundan tashqari, Amerikaning ikkita boshqariladigan raketa esminetsi O‘rta Yer dengizi sharqida operativ vazifalarni bajarmoqda.
Izoh (0)