Niderlandiyaning Shimoliy Brabant provinsiyasi Ruxpena shahri yaqinidagi A58 trassasiga kichik samolyot qulab tushdi. Hodisa oqibatida samolyot uchuvchisi halok bo'ldi, samolyot bortida undan boshqa hech kim bo‘lmagan.
Bu haqda mamlakatning favqulodda xizmati ma’lum qildi.
Halokatdan so‘ng avtomagistral har ikki yo‘nalishda ham yopilgan, voqea joyida favqulodda xizmatlar ishlamoqda. Yo'ldagi vayronalarni tozalash biroz vaqt talab qilishi mumkinligi xabar qilinmoqda.
Halokatga uchragan samolyot turi va fojia sabablari noma’lumligicha qolmoqda.
Voqeaga guvoh bo‘lgan bir necha kishining ta’kidlashicha, qulagan samolyotdan chiqayotgan tutun uzoqdan ko‘rinib turgan.
24-iyul kuni Nepalda mahalliy Saurya Airlines aviakompaniyasining samolyoti Katmandu xalqaro aeroportida halokatga uchragandi. Hodisa payti samolyotda ekipaj a’zolari bilan birgalikda 19 kishi bo‘lgan, ulardan faqat bir nafari tirik qolgan.
Izoh (0)