Nepalda mahalliy Saurya Airlines aviakompaniyasining samolyoti 24-iyul kuni Katmandu xalqaro aeroportida halokatga uchradi. Bu haqda Kathmandu Post nashri xabar berdi.
Hodisa payti samolyotda ekipaj a’zolari bilan birgalikda 19 kishi bo‘lgan, ulardan faqat bir nafari tirik qolgan. Omon qolgan 37 yoshli samolyot kapitani Manish Ratna Shakya zudlik bilan kasalxonaga yetkazilgan.
Guvohlarning so‘zlariga ko‘ra, bort parvozga ko‘tarilayotganda og‘ib, qanoti bilan yerga teggan va shu zahoti yonib ketgan. Halokatga uchragan Bombardier CRJ 200 samolyoti texnologik xizmat ko‘rsatish uchun Pokxara shahriga uchayotgan edi. Hozirda voqea joyida politsiya va o‘t o‘chiruvchilar ish olib bormoqda.
Izoh (0)