Moskvada O‘zbekiston fuqarosi bo‘lgan ayol avtobus boshqaruvchisiga hujum qildi. Bu haqda Rossiya Tergov qo‘mitasi Bosh tergov boshqarmasi ma’lum qildi.
Xabarga ko‘ra, ayol jamoat transportidan pul to‘lamay foydalanishga harakat qilgan. Hujjatlarni tekshirayotganda ayol g‘azablana boshlagan, keyin esa nazoratchiga hujum qilgan. Shundan so‘ng u qo‘lga olingan.
Ma’lum bo‘lishicha, u migratsiya qonunchiligini buzgan holda poytaxtda bo‘lgan.
Qayd etilishicha, unga nisbatan allaqachon tergov harakatlari o‘tkazilgan, ayblovlar qo‘yilgan, so‘roq paytida u o‘z aybiga to‘liq iqror bo‘lgan.
RF Jinoyat kodeksining 318-moddasi 1-qismida (hokimiyat vakiliga nisbatan zo‘ravonlik qo‘llash) ko‘zda tutilgan jinoyat asosida jinoiy ish qo‘zg‘atildi. Tergov sudga ayblanuvchiga nisbatan qamoqqa olish tarzidagi ehtiyot chorasini tanlash haqida iltimosnoma kiritmoqchi, deyiladi xabarda.
Izoh (0)