Rossiyaning Boeing 737 samolyoti Litva havo hududini buzdi. Bunga javoban Rossiyaga norozilik notasi yuborildi. Bu haqda Litva Tashqi ishlar vazirligi xabar berdi.
Ma’lum qilinishicha, 30-iyun kuni tunda “Pobeda” aviakompaniyasining samolyoti Boltiq dengizi ustidagi Litva havo hududiga noqonuniy ravishda kirib, u yerda bir daqiqaga yaqin qolgan. Samolyot Moskvaning Vnukovo shahridan Kaliningrad viloyatidagi Xrabrovo aeroportiga uchayotgan edi.
Rossiyaning Vilnyusdagi elchixonasi vakillari allaqachon norozilik notasini olgan. Litva Tashqi ishlar vazirligi Rossiyaning mas’ul muassasalaridan imkon qadar tezroq tushuntirish berishni talab qilgan. Rossiya rasmiylari va aviakompaniya vakillari hozircha hodisaga izoh bermagan.
Izoh (0)