AQSH davlat kotibi Entoni Blinken va Pentagon rahbari Lloyd Ostin Filippin mudofaasini kuchaytirish uchun 500 million dollar ajratilishini e’lon qildi. Bu haqda AP agentligiga tayanib, “Interfaks” xabar bermoqda.
Blinken va Ostin bu haqda Filippin prezidenti Ferdinand Markos bilan Manilada bo‘lib o‘tgan muzokaralardan so‘ng ma’lum qildi.
Qayd etilishicha, ajratilgan mablag‘ Filippin armiyasi, chegara xizmatini modernizatsiya qilish, shuningdek, AQSH bilan xavfsizlik sohasida hamkorlikni mustahkamlashga yo‘naltiriladi.
“Mamlakatlarimiz va mintaqadagi boshqa ko‘plab davlatlar Xitoy amalga oshirayotgan baʼzi harakatlardan xavotirda. Bular Janubiy Xitoy dengizi va Sharqiy Xitoy dengizidagi keskinlikni oshirishga qaratilgan harakatlardir”, dedi Blinken matbuot anjumanida.
Shuningdek, u Tinch okeanida Osiyo davlati qo‘shinlari hujumga uchrasa, Qo‘shma Shtatlar Filippinga yordam berishini aytdi.
Izoh (0)