АҚШ давлат котиби Энтони Блинкен ва Пентагон раҳбари Ллойд Остин Филиппин мудофаасини кучайтириш учун 500 миллион доллар ажратилишини эълон қилди. Бу ҳақда AP агентлигига таяниб, “Интерфакс” хабар бермоқда.
Блинкен ва Остин бу ҳақда Филиппин президенти Фердинанд Маркос билан Манилада бўлиб ўтган музокаралардан сўнг маълум қилди.
Қайд этилишича, ажратилган маблағ Филиппин армияси, чегара хизматини модернизация қилиш, шунингдек, АҚШ билан хавфсизлик соҳасида ҳамкорликни мустаҳкамлашга йўналтирилади.
“Мамлакатларимиз ва минтақадаги бошқа кўплаб давлатлар Хитой амалга ошираётган баъзи ҳаракатлардан хавотирда. Булар Жанубий Хитой денгизи ва Шарқий Хитой денгизидаги кескинликни оширишга қаратилган ҳаракатлардир”, деди Блинкен матбуот анжуманида.
Шунингдек, у Тинч океанида Осиё давлати қўшинлари ҳужумга учраса, Қўшма Штатлар Филиппинга ёрдам беришини айтди.
Изоҳ (0)