Xitoy TIV vakili Lin Szyan Xitoy AQSHdagi prezidentlik sayloviga aralashmasligini aytib, Vashingtonni dezinformatsiya tarqatishni bas qilishga chaqirdi.
Xitoy Amerika saylovlariga hech qachon aralashmagan va bundan keyin ham aralashmaydi, dedi Lin Szyan.
Bir kun avval AQSH Milliy razvedka idorasi Rossiya, Xitoy va Eron bo‘lajak prezidentlik saylovlari natijalariga ta’sir o‘tkazishga urinayotgani haqida hech qanday dalilsiz bayonot bergan edi. Reuters’ga ko‘ra, amerikalik rasmiylar Xitoy hukumat idoralarini texnologiya kompaniyasidan Qo‘shma Shtatlardagi maxfiy operatsiyalarni kuchaytirish uchun foydalanganlikda ayblagan.
Xitoylik diplomat, shuningdek, AQSH tomonini Xitoyga tuhmat qilishni va “saylovlarga aralashayapti” degan yolg'on ma'lumotni tarqatishni to‘xtatishga chaqirgan.
26-iyul kuni Xitoyning Vashingtondagi elchisi Se Fen Xitoy AQSH prezidentlik saylovlariga aralashishni rejalashtirmayotganini va buning evaziga “Tayvan masalasi” bo‘yicha ham xuddi shunday yondashuvni kutishini ma’lum qilgan. Uning qo‘shimcha qilishicha, Pekin bu masalalarda Vashington bilan ijobiy ikki tomonlama hamkorlikka umid bildirgan.
Izoh (0)