UEFA Yevro—2024 musobaqasida tomoshabinlarning xatti-harakati uchun 7 ta futbol federatsiyasini jarimaga tortdi.
Xotvatiya “muxlislarning irqchilik va kamsituvchi xatti-harakatlari” uchun eng katta jarimani oldi — 50 ming yevro.
Ruminiya xuddi shunday qoidabuzarlik uchun 40 ming yevro, Albaniya, Vengriya, Sloveniya va Serbiya esa 30 ming yevro, Avstriya 20 ming yevro jarimaga tortilgan.
Bundan tashqari, jarimaga tortilgan futbol federatsiyalarga UEFA tasnifidagi navbatdagi safardagi o‘yinlari uchun chipta sotish taqiqlangan. Biroq, Albaniya, Vengriya, Avstriya va Sloveniya uchun cheklov 2 yillik sinov muddati bilan shartli hisoblanadi.
Eslatib o‘tamiz, Germaniya yashil maydonlarida bo‘lib o‘tgan Yevropa Chempionati 14-iyundan 14-iyulga qadar davom etdi va yakunda Ispaniya terma jamoasi chempionlikni qo‘lga kiritdi. Ispanlar hal qiluvchi bahsda Angliya ustidan g‘alaba qozondi.
Izoh (0)