Osiyo taraqqiyot banki (OTB) Markaziy Osiyo uchun iqtisodiy o‘sish prognozini 2024-yildagi 4,3 foizdan 4,5 foizga oshirdi. Osiyo taraqqiyoti istiqbollari bo‘yicha hisobot e’lon qilindi.
Rivojlanayotgan Osiyodagi iqtisodiy o‘sish 2024-yilning birinchi choragida barqaror ichki talab va kuchli eksport o‘sishi, xususan, elektronika sohasida tezlashdi. Shunga asosan mintaqaning iqtisodiyoti bo‘yicha prognoz 2024-yilda 5,0 foizga oshirildi, 2025-yil uchun esa 4,9 foizga saqlanib qolmoqda.
Sharqiy Osiyoning 2024-yilga mo‘ljallangan o‘sish prognozi yarimo‘tkazgichlar va sunʼiy intellekt tufayli boshqa mahsulotlarning kuchli eksporti ortidan 4,6 foizga oshishi ko‘rib chiqilmoqda. 2025-yil uchun prognoz esa 4,2 foizda qolmoqda.
Ayrim mamlakatlar iqtisodiyotidagi ba’zi o‘zgarishlarga qaramay, Janubi-Sharqiy Osiyo uchun o‘sish prognozlari 2024 yilda 4,6 foiz va 2025-yilda 4,7 foiz, Tinch okeani mintaqasi uchun 2024-yilda 3,3 foiz va 2025-yilda 4,0 foiz darajasida qolmoqda.
Janubiy Osiyo uchun o‘sish prognozi 2024-yilda 6,3 foiz darajasida barqaror bo‘lib qolmoqda, 2025-yil prognozi esa 6,5 foizni tashkil qiladi.
Kavkaz va Markaziy Osiyoda o‘sish prognozi 2024-yildagi 4,3 foizdan 4,5 foizga, 2025-yildagi 5,0 foizdan 5,1 foizga ko‘tarildi.
Rivojlanayotgan Osiyodagi asosiy inflyatsiya o‘tgan yilgi 3,3 foizdan bu yil 2,9 foizgacha pasayib, 2025-yilda 3,0 foiz darajasida barqarorlashishi prognoz qilinmoqda.
- AQSH va boshqa ilg‘or iqtisodlaridagi foiz stavkalari prognozni boshqarishda davom etmoqda, bu esa bir qancha pasayish xavfiga olib kelishi mumkin.
- AQSH saylov natijalariga oid noaniqlik, geosiyosiy taranglikning kuchayishi va savdoning bo‘linishi, Xitoyning ko‘chmas mulk bozorining zaifligi va ob-havo hodisalari iqtisodiy o‘sishga zarar yetkazishi mumkin. Ayni paytda, kutilayotgan yog‘ingarchilik va sovuq havo harorati tufayli La Ninyo ortib borayotgan xavf tug‘dirmoqda.
Markaziy Osiyodagi vaziyat
Qirg‘izistonning 2024-yil birinchi choragidagi o‘sish sur’ati mahalliy va xorijiy investitsiyalar hisobiga moliyalashtirilgan xizmatlar hamda qurilish sohalarida ishlab chiqarishning kuchliligi hisobiga 8,8 foizni tashkil etadi. Mintaqaning boshqa davlatlarida ham iqtisodiy faollik kuchli bo‘lgan.
Qisman eksport, jumladan, oltin sotishning o‘sishi tufayli Tojikiston 2024-yilning birinchi choragida 8,2 foizlik kuchli o‘sishni davom ettirdi. Turkmanistondagi o‘sishga davlat sarmoyasi va sof gaz eksporti sabab bo‘lmoqda. O‘zbekistonda asosiy investitsiyalar hajmining oshishi 2024-yilning birinchi choragida 6,2 foizga o‘sishga olib keldi.
Inflyatsiya bilan bog‘liq vaziyat
Qirg‘izistonda inflyatsiya 2024-yilning may oyida 4,6 foizga tushdi, bu birinchi navbatda asosiy tovarlar narxlarining o‘zgarishini aks ettirdi. Mintaqaning boshqa mamlakatlarida ham inflyatsiya bosimi pasaymoqda.
2024-yilning yanvar—may oylarida Qozog‘istonda inflyatsiya darajasi barqaror valyuta kursi va nisbatan qattiq pul-kredit siyosati tufayli 2023-yilning shu davridagi 18,5 foizga nisbatan 9,0 foizgacha sekinlashdi. Tojikistonda 2024-yilning birinchi 4 oyida inflyatsiya 3,8 foizni tashkil qildi. O‘zbekistonda 2024-yilning dastlabki 5 oyida inflyatsiya o‘tgan yilgi 11,4 foizdan 9,2 foizgacha pasaydi.
Izoh (0)