Осиё тараққиёт банки (ОТБ) Марказий Осиё учун иқтисодий ўсиш прогнозини 2024 йилдаги 4,3 фоиздан 4,5 фоизга оширди. Осиё тараққиёти истиқболлари бўйича ҳисобот эълон қилинди.
Ривожланаётган Осиёдаги иқтисодий ўсиш 2024 йилнинг биринчи чорагида барқарор ички талаб ва кучли экспорт ўсиши, хусусан, электроника соҳасида тезлашди. Шунга асосан минтақанинг иқтисодиёти бўйича прогноз 2024 йилда 5,0 фоизга оширилди, 2025 йил учун эса 4,9 фоизга сақланиб қолмоқда.
Шарқий Осиёнинг 2024 йилга мўлжалланган ўсиш прогнози яримўтказгичлар ва сунъий интеллект туфайли бошқа маҳсулотларнинг кучли экспорти ортидан 4,6 фоизга ошиши кўриб чиқилмоқда. 2025 йил учун прогноз эса 4,2 фоизда қолмоқда.
Айрим мамлакатлар иқтисодиётидаги баъзи ўзгаришларга қарамай, Жануби-Шарқий Осиё учун ўсиш прогнозлари 2024 йилда 4,6 фоиз ва 2025 йилда 4,7 фоиз, Тинч океани минтақаси учун 2024 йилда 3,3 фоиз ва 2025 йилда 4,0 фоиз даражасида қолмоқда.
Жанубий Осиё учун ўсиш прогнози 2024 йилда 6,3 фоиз даражасида барқарор бўлиб қолмоқда, 2025 йил прогнози эса 6,5 фоизни ташкил қилади.
Кавказ ва Марказий Осиёда ўсиш прогнози 2024 йилдаги 4,3 фоиздан 4,5 фоизга, 2025 йилдаги 5,0 фоиздан 5,1 фоизга кўтарилди.
Ривожланаётган Осиёдаги асосий инфляция ўтган йилги 3,3 фоиздан бу йил 2,9 фоизгача пасайиб, 2025 йилда 3,0 фоиз даражасида барқарорлашиши прогноз қилинмоқда.
- АҚШ ва бошқа илғор иқтисодларидаги фоиз ставкалари прогнозни бошқаришда давом этмоқда, бу эса бир қанча пасайиш хавфига олиб келиши мумкин.
- АҚШ сайлов натижаларига оид ноаниқлик, геосиёсий тарангликнинг кучайиши ва савдонинг бўлиниши, Хитойнинг кўчмас мулк бозорининг заифлиги ва об-ҳаво ҳодисалари иқтисодий ўсишга зарар етказиши мумкин. Айни пайтда, кутилаётган ёғингарчилик ва совуқ ҳаво ҳарорати туфайли Ла Нинё ортиб бораётган хавф туғдирмоқда.
Марказий Осиёдаги вазият
Қирғизистоннинг 2024 йил биринчи чорагидаги ўсиш суръати маҳаллий ва хорижий инвестициялар ҳисобига молиялаштирилган хизматлар ҳамда қурилиш соҳаларида ишлаб чиқаришнинг кучлилиги ҳисобига 8,8 фоизни ташкил этади. Минтақанинг бошқа давлатларида ҳам иқтисодий фаоллик кучли бўлган.
Қисман экспорт, жумладан, олтин сотишнинг ўсиши туфайли Тожикистон 2024 йилнинг биринчи чорагида 8,2 фоизлик кучли ўсишни давом эттирди. Туркманистондаги ўсишга давлат сармояси ва соф газ экспорти сабаб бўлмоқда. Ўзбекистонда асосий инвестициялар ҳажмининг ошиши 2024 йилнинг биринчи чорагида 6,2 фоизга ўсишга олиб келди.
Инфляция билан боғлиқ вазият
Қирғизистонда инфляция 2024 йилнинг май ойида 4,6 фоизга тушди, бу биринчи навбатда асосий товарлар нархларининг ўзгаришини акс эттирди. Минтақанинг бошқа мамлакатларида ҳам инфляция босими пасаймоқда.
2024 йилнинг январь—май ойларида Қозоғистонда инфляция даражаси барқарор валюта курси ва нисбатан қаттиқ пул-кредит сиёсати туфайли 2023 йилнинг шу давридаги 18,5 фоизга нисбатан 9,0 фоизгача секинлашди. Тожикистонда 2024 йилнинг биринчи 4 ойида инфляция 3,8 фоизни ташкил қилди. Ўзбекистонда 2024 йилнинг дастлабки 5 ойида инфляция ўтган йилги 11,4 фоиздан 9,2 фоизгача пасайди.
Изоҳ (0)