24-iyul kuni Seul chekkasida joylashgan turar joy binosi tomida Shimoliy Koreyadan olib kelingan chiqindi bo‘lgan sharlar tufayli kichik yong‘in chiqdi, deb xabar berdi Chunan Ilbo nashri.
Shimoliy Koreya 23-iyul kuni janubiy qo‘shnisi tomon 480 ga yaqin axlat sharlarini uchirgan edi.
Ma’lumotlarga ko‘ra, sharlardan biri Goyang shahridagi turar joy binosi tomiga tushib, yong‘inga sabab bo‘lgan. Yong‘inga axlat xaltasini havo shariga bog‘lab turgan arqonga bog‘langan detonator sabab bo‘lgan. Yong‘in olti kvadrat metrga tarqalgan va 25 daqiqada bartaraf etilgan, qurbonlar yo‘q.
Chiqindilarni yanada kengroq tarqatish uchun taymerli portlovchi qurilma o‘rnatilgan. Janubiy Koreya shtab boshliqlarining birlashgan qo‘mitasining rasmiy vakili detonatorli havo sharlari ulushi ortganini qayd etgan.
Avvalroq Koreya Respublikasi TIV rahbari Cho The Yel Seul Moskva va Pxenyan o‘rtasidagi hamkorlikni tahdid deb bilishini ma’lum qilgandi. Uning so‘zlariga ko‘ra, Janubiy Koreya Rossiya va KXDR imzolagan yangi kelishuv tufayli Rossiya bilan munosabatlarni avvalgidek saqlab qola olmaydi.
Izoh (0)