1996-yilda Atlantada bo‘lib o‘tgan Olimpiada chempioni Vasiliy Jirov “Sports.kz” nashri bilan bo‘lgan suhbatda Bahodir Jalolovning kuchliligi, u professional sifatida nimalarga qodirligi va Oleksandr Usikni mag‘lub etish imkoniyati bor-yo‘qligi haqida o‘z fikri bilan o‘rtoqlashdi.
“Jalolov shunchaki ringda o‘ynaydi, aynan shuning uchun ham g‘alaba qozonadi. U professional boksda ham yaxshi istiqbolga ega. Unda Usikni mag‘lub etish imkoniyati bor. Buning uchun u faqat o‘ziga ishonishi kerak”, — dedi mashhur sportchi.
Ma’lumot uchun, 2023-yilda o‘zbekistonlik bokschi Oleksandr Usik bilan uchrashgan edi.
I feel that, whole Uzbekistan is waiting for this fight and if it were up to me I would get into the ring tomorrow!
— Bakhodir Jalolov (@BakhodirJalolov) October 28, 2023
We could show the whole world a real classic boxing!
Good luck to you Champion @usykaa pic.twitter.com/LuONPck68K
“Butun O‘zbekiston ushbu jangni kutayotganini bilaman, agar hammasi menga bog‘liq bo‘lganida, ertagayoq ringga ko‘tarilardim. Biz butun dunyoga klassik boksni namoyish etardik. Senga omad, chempion”, — deb yozgan edi Bahodir o‘z X (sobiq Twitter) sahifasida.
Ma’lumot uchun, 29 yoshli Jalolov 2020-yili Tokio (Yaponiya)da bo‘lib o‘tgan Olimpiada chempioni hisoblanadi. O‘zbekistonlik bokschi 2019 va 2023-yillarda Jahon chempioni bo‘lgan. Bundan tashqari, Bahodir 2022-yilgi Osiyo o‘yinlari va uch bora Osiyo chempioni bo‘ldi. Jalolov professional ringda 14 ta jang o‘tkazib, ularning barchasida muddatidan avval g‘alaba qozongan.
Bahodir Jalolov Parij Olimpiadasi qatnashchisi ham hisoblanadi. Musobaqaning boks bo‘yicha bahslari 27-iyuldan 10-avgustga qadar bo‘lib o‘tadi.
Vasiliy Jirov Olimpiadadagi oltindan tashqari, bokschi ikki karra jahon chempionati sovrindori, Osiyo chempioni va sovrindori, havaskorlar o‘rtasida Osiyo o‘yinlari sovrindori, professional boks bo‘yicha IBF yo‘nalishida jahon chempioni hisoblanadi. U professional boksning asosiy yo‘nalishlaridan birida chempionlik unvonini qo‘lga kiritgan birinchi qozoq bokschisi hamdir.
Izoh (0)