37 yoshli ukrainalik bokschi, og‘ir vaznda mutlaq jahon chempioni Oleksandr Usik Xalqaro boks federatsiyasi (IBF) chempionligi unvonidan voz kechayotganini ma’lum qildi.
Buni sportchi 2024-yil 21-sentabr kuni britaniyalik bokschilar Entoni Joshua va Deniel Dyubua o‘rtasida ushbu unvon uchun chempionlik jangini tashkil qilish imkoniyatini yaratish maqsadida kamardan voz kechayotgani bilan izohladi.
“IBF kamari 2024-yil 21-sentabrdagi jang uchun sizga sovg‘amdir. Dunyo kuchlilarni sevadi. Do‘stingiz, og‘ir vaznda mutlaq jahon chempioni Oleksandr Usik”, — deb yozdi Usik ijtimoiy tarmoqlarda.
Usik 2024-yil 18-may kuni o‘sha paytda WBC kamariga ega bo‘lgan britaniyalik Tayson Fyurini mag‘lub etib, og‘ir vaznda mutlaq jahon chempioni unvoni sohibiga aylandi.
Oleksandr 2021-yil 21-sentabrda Entoni Joshuani mag‘lub etib, IBF yo‘nalishi bo‘yicha jahon chempioni bo‘lgan edi.
Izoh (0)