Butunjahon boks tashkiloti (WBO) iyun oyi uchun yangilangan reytingni eʼlon qildi.
Unga ko‘ra, Hasanboy Do‘stmatov bir pog‘ona pastlab, 8-o‘ringa joylashdi. Olimjon Nazarov ham pastlab 5-o‘ringa pastladi. Murodjon Ahmadaliyev (5) hamda Muhammad Shexov (6) o‘z o‘rinlarida qoldi.
-tyeP4pFh.jpg)
Yarim o‘rta vazn toifasida jang qiluvchi Shahram G‘iyosov bir pog‘ona yuqorilab vazn peshqadamiga aylandi. Bektemir Meliqo‘ziyev hamda Bahodir Jalolovlar ham o‘tgan oygi pog‘onalarini saqlab qoldi.
Reytingdan 7 nafar o‘zbek bokschisi joy olgan:
- Hasanboy Do‘stmatov (birinchi o‘ta yengil vazn (48,8 kg): o‘tgan oydagidan bir pog‘ona pastlab, 8-o‘ringa joylashdi;
- Olimjon Nazarov (o‘ta yengil vazn toifasi — 50,8 kg) o‘tgan oydagidan bir pog‘ona pastlab 5-o‘rinni egalladi;
- Murodjon Ahmadaliyev (birinchi yarim yengil vazn toifasi — 55,3 kg) o‘tgan oydagi kabi 5-o‘rinni egalladi;
- Muhammad Shexov (birinchi yarim yengil vazn toifasi — 55,3 kg) o‘tgan oydagi singari 6-o‘rinni egalladi;
- Shahram G‘iyosov (yarim o‘rta vazn toifasi — 66,6 kg) o‘tgan oydagidan bir pog‘ona yuqorilab vazn peshqadamiga aylandi;
- Bektemir Meliqo‘ziyev (super o‘rta vazn — 76,2 kg) o‘tgan oydagi singari 9-o‘rinni egalladi;
- Bahodir Jalolov (super og‘ir vazn — 90,7 kg) o‘tgan oydagidek 15-o‘rinda qoldi.
Avvalroq 20-iyun WBO reytingida Bahodir Jalolov va Shahram G‘iyosov 2 pog‘ona ko‘tarilib olgandi. Olimjon Nazarov may oyidagi reyting o‘rniga nisbatan 3 pog‘ona ko‘tarilgandi. Hasanboy Do‘stmatov ham 1 pog‘ona yuqorilagandi.
Eslatib o‘tamiz, O‘zbekiston boks yulduzi, WBA versiyasi bo‘yicha super og‘ir vaznda sobiq jahon chempioni, og‘ir vaznda (81-91 kg) havaskorlar orasida Osiyo hamda jahon chempioni Ruslan Chagayev O‘zbekistonning bugungi kunda eng yaxshi bokschilari — Bahodir Jalolov va Shahram G‘iyosov haqida fikr bildirgandi.
Izoh (0)