Ummon O‘zbekiston fuqarolariga mamlakatga 14 kun davomida vizasiz bo‘lib turish tartibini joriy qildi. Bu haqda “Dunyo” AA xabar berdi.
![](/static/2024/07/01/паспорт_виза_фуқаролик_хорижий_паспорт_30-4CpPQMyK.jpg)
Shu bilan birga, mamlakatda mazkur muddatdan ko‘proq vaqt mobaynida bo‘lishni istagan o‘zbekistonliklar Ummonga kirish paytida aeroportning o‘zida kirish vizasini rasmiylashtirishlari mumkin.
O‘zbekiston prezidentining 2023-yil 9-fevraldagi “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida”gi farmoniga muvofiq, 2021-yil 1-martdan boshlab Ummon fuqarolari uchun O‘zbekiston hududiga 10 kunlik muddatga vizasiz rejim joriy qilingan.
Avvalroq O‘zbekiston va Ummon o‘rtasida diplomatik pasport egalarini viza talablaridan ozod qilish to‘g‘risidagi shartnoma imzolangan edi.