Singapur politsiyasi Isroil bilan aloqalarini uzishga chaqirgan fuqarolarni javobgarlikka tortishni boshladi. Bu haqda BBC nashri xabar berdi.
Ushbu tartib asosida uch nafar fuqaro hibsga olingan. Ular hukumatga Isroil bilan munosabatlarni uzish to‘g‘risida talabnoma yuborish uchun namoyish tashkil etishda ayblangan.
Singapur hukumat norozilik namoyishlarini qatʼiy tartibga solib turadi. O‘zga manfaatlar manfaatlarini himoya qiluvchi yoki ifoda etuvchi namoyishlar tashkil etilishiga yo‘l qo‘yilmaydi.
Rasmiylar singapurliklarni G‘azo urushi borasida norozilik namoyishlari o‘tkazmaslikka, hukumatni bu borada tanqid qilmaslikka chaqirgan. Faqatgina fuqarolik muloqotlarida va xayriya aksiyalarida qatnashishga ruxsat berilgan.
Joriy yilning fevral oyida 70 ga yaqin singapurlik faol poytaxtning markaziy Orchard Road ko‘chasida namoyish uyushtirgan edi. Isroil bilan aloqani uzishga chaqirgan aholi prezident saroyi oldigacha marsh tashkil etgan.
Namoyishchilar hukumatga 140 ta maktub topshirgan. Ushbu voqeadan bir kun o‘tib, marshni tashkil etgan Annamalai Kokila Parvathi, Siti Amira Mohamed Asrori va Mossammad Sobikun Nahar ismli fuqarolar ruxsatsiz tadbir uyushtirganlikda ayblab hibsga olingan edi.
Singapurda noqonuniy namoyishlar uchun 7300 dollargacha jarima yoki 6 oygacha qamoq jazosi belgilangan. So‘nggi hibsga olingan uch nafar namoyishchiga nisbatan ham jarima tayinlash ko‘zda tutilgan.
Izoh (0)