Сингапур полицияси Исроил билан алоқаларини узишга чақирган фуқароларни жавобгарликка тортишни бошлади. Бу ҳақда BBC нашри хабар берди.
Ушбу тартиб асосида уч нафар фуқаро ҳибсга олинган. Улар ҳукуматга Исроил билан муносабатларни узиш тўғрисида талабнома юбориш учун намойиш ташкил этишда айбланган.
Сингапур ҳукумат норозилик намойишларини қатъий тартибга солиб туради. Ўзга манфаатлар манфаатларини ҳимоя қилувчи ёки ифода этувчи намойишлар ташкил этилишига йўл қўйилмайди.
Расмийлар сингапурликларни Ғазо уруши борасида норозилик намойишлари ўтказмасликка, ҳукуматни бу борада танқид қилмасликка чақирган. Фақатгина фуқаролик мулоқотларида ва хайрия акцияларида қатнашишга рухсат берилган.
Жорий йилнинг февраль ойида 70 га яқин сингапурлик фаол пойтахтнинг марказий Orchard Road кўчасида намойиш уюштирган эди. Исроил билан алоқани узишга чақирган аҳоли президент саройи олдигача марш ташкил этган.
Намойишчилар ҳукуматга 140 та мактуб топширган. Ушбу воқеадан бир кун ўтиб, маршни ташкил этган Аннамалаи Кокила Парватҳи, Сити Амира Моҳамед Асрори ва Моссаммад Собикун Наҳар исмли фуқаролар рухсатсиз тадбир уюштирганликда айблаб ҳибсга олинган эди.
Сингапурда ноқонуний намойишлар учун 7300 долларгача жарима ёки 6 ойгача қамоқ жазоси белгиланган. Сўнгги ҳибсга олинган уч нафар намойишчига нисбатан ҳам жарима тайинлаш кўзда тутилган.
Изоҳ (0)