Bo‘stonliq tumanida “Amirsoy” dam olish maskaniga olib boruvchi avtomobil yo‘lida transport vositalarining harakati vaqtincha cheklanadi. Bu haqda IIV Yo‘l harakati xavfsizligi xizmati xabar berdi.
Qayd etilishicha, 29–30-iyun kunlari Toshkent viloyati Bo‘stonliq tumanida “Amirsoy” dam olish maskanida o‘tkazilayotgan Sky Camp Bo‘stonliq-2024 festivali munosabati bilan marafon o‘tkazilmoqda.
Ushbu marafonda harakat xavfsizligini ta’minlash maqsadida Bo‘stonliq tumani hokimining tegishli farmoyishi asosida 4R6 Toshkent—Chirchiq—Chimyon avtomobil yo‘lining 56-kilometridan va mazkur yo‘lga o‘tuvchi 4R12 avtomobil yo‘lining 61-kilometrida transport vositalari harakati vaqtincha cheklanadi.
Shu sababli haydovchilardan “Chimyon”, “Amirsoy”, “Bildirsoy” dam olish maskanlariga boruvchi fuqarolarga Chorvoq—“Piramida”—Yusufxona orqali harakatlanish tavsiya etiladi.
- Avvalroq Toshkent shahridan chiqish joyidagi Yangi O‘zbekiston ko‘chasi va 4R12 avtomobil yo‘li chorrahasida qo‘shimcha tarmoq yo‘llari qurilishining birinchi bosqichi yakunlangani to‘g‘risida xabar berilgandi.
- Undan oldin esa Bo‘stonliq va Parkentga boradigan yo‘lda transport vositalarining harakatlanish yo‘nalishi vaqtincha o‘zgargan edi.
Izoh (0)