Бўстонлиқ туманида “Амирсой” дам олиш масканига олиб борувчи автомобиль йўлида транспорт воситаларининг ҳаракати вақтинча чекланади. Бу ҳақда ИИВ Йўл ҳаракати хавфсизлиги хизмати хабар берди.
Қайд этилишича, 29–30 июнь кунлари Тошкент вилояти Бўстонлиқ туманида “Амирсой” дам олиш масканида ўтказилаётган Sky Camp Бўстонлиқ-2024 фестивали муносабати билан марафон ўтказилмоқда.
Ушбу марафонда ҳаракат хавфсизлигини таъминлаш мақсадида Бўстонлиқ тумани ҳокимининг тегишли фармойиши асосида 4Р6 Тошкент—Чирчиқ—Чимён автомобиль йўлининг 56-километридан ва мазкур йўлга ўтувчи 4Р12 автомобиль йўлининг 61-километрида транспорт воситалари ҳаракати вақтинча чекланади.
Шу сабабли ҳайдовчилардан “Чимён”, “Амирсой”, “Билдирсой” дам олиш масканларига борувчи фуқароларга Чорвоқ—“Пирамида”—Юсуфхона орқали ҳаракатланиш тавсия этилади.
- Аввалроқ Тошкент шаҳридан чиқиш жойидаги Янги Ўзбекистон кўчаси ва 4Р12 автомобиль йўли чорраҳасида қўшимча тармоқ йўллари қурилишининг биринчи босқичи якунлангани тўғрисида хабар берилганди.
- Ундан олдин эса Бўстонлиқ ва Паркентга борадиган йўлда транспорт воситаларининг ҳаракатланиш йўналиши вақтинча ўзгарган эди.
Изоҳ (0)