Toshkent viloyati Bo‘stonliq tumaniga olib boruvchi avtomobil yo‘li velosport musobaqasi uchun maʼlum vaqtga yopiladi. Bu haqda viloyat IIBB Yo‘l harakati xavfsizligi boshqarmasi xabar berdi.
Qayd etilishicha, sportning velosport-shosse turi bo‘yicha kattalar (erkaklar va ayollar) o‘rtasida O‘zbekiston chempionati o‘tkaziladi. Shu munosabati bilan 25—26-iyun kunlari soat 08:00 dan 14:00 ga qadar 4R12 Bektemir—Chorbog‘ qo‘rg‘oni avtomobil yo‘lining 34 va 54-kilometrlari oralig‘ida (Chirchiq shahriga kirishda joylashgan platina yaqini start, G‘azalkent shahriga kirish qismi finish) transport vositalari harakati cheklanadi.
Bo‘stonliq tumaniga tashrif buyuruvchi fuqorolardan Chirchiq shahri orqali harakatlanish tavsiya etiladi.
- Avvalroq Toshkent shahridan chiqish joyidagi Yangi O‘zbekiston ko‘chasi va 4R12 avtomobil yo‘li chorrahasida qo‘shimcha tarmoq yo‘llari qurilishining birinchi bosqichi yakunlangani to‘g‘risida xabar berilgandi.
- Undan oldin esa Bo‘stonliq va Parkentga boradigan yo‘lda transport vositalarining harakatlanish yo‘nalishi vaqtincha o‘zgargan edi.
Izoh (0)