Veolia Energy Tashkent Sergeli tumanidagi ko‘chalardan birida qariyb 1 oy davomida quvur almashtirish ishlari olib borilishini ma’lum qildi.
Qayd etilishicha, 30-mayga o‘tar kechasi 510 metr eskirgan issiqlik quvurini almashtirish ishlari boshlangan. Shu munosabat bilan Sergeli tumanidagi ayrim yo‘llarning qatnov qismi yopiladi.
Yo‘l harakati cheklovi “Obihayot” ko‘chasi bo‘ylab Sergeli yarmarkasi chorrahasidan “Havas” supermarketigacha bo‘ladi.
Ish hajmi katta bo‘lgani sababli quvur almashtirish ishlari uchun taxminan 1 oy vaqt ketadi.
Ushbu davrda aylanma yo‘llardan foydalanishingizni so‘raymiz. Veolia Energy Tashkent MCHJ XK yuzaga kelgan noqulayliklar uchun uzr so‘raydi va ishni imkon qadar tezroq yakunlash uchun barcha imkoniyatlarni ishga soladi, — deyiladi xabarda.
Eslatib o‘tamiz, fevral o‘rtalarida Toshkent shahar Mirobod tumanidagi ayrim ko‘chalarda issiq suv va issiqlik taʼminoti vaqtincha to‘xtatilgandi.
Izoh (0)