94 yoshli aktrisa Jena Roulends Alsgeymer kasalligi va kasallik tufayli xotiraning to‘liq yoqolishidan aziyat chekmoqda. Bu haqda uning o‘g‘li, rejissyor Nik Kassavetis Entertainment Weekly nashriga bergan intervyusida so‘zlab berdi.
Bundan roppa-rosa 20 yil avval aktrisa “Xotira kundaligi” filmida Elli Xemilton rolini ijro etgan. Ajablanarlisi, film qahramoni ham xuddi shu kasallikka chalingan ayol bo‘lgan.
“Bir kuni men onamdan voyaga yetgan Elli rolini ijro etib berishlarini so‘radim. Biz onam bilan Alsgeymer kasalligi haqida ko‘p suhbat qurdik, chunki u bilan xolisona munosabatda bo‘lishni istadik.
Foto: People Talk
Onam so‘nggi besh yil davomida ushbu kasallikdan aziyat chekib kelmoqda. Hozirda u butunlay aqldan ozgan. Biz kechirgan voqealar haqiqiy dahshatdek edi. Axir u avvaliga bularning barchasini ekranda yashab o‘tdi, endi esa bularning bari hayot haqiqatining bir qismiga aylandi”, — dedi Nik Kassavetis.
Eslatib o‘tamiz, “Xotira kundaligi” filmi premyerasi 20 yil muqaddam bo‘lib o‘tgan. Film qahramoni qariyalar uyida yashaydigan va aqldan ozgan ayol bo‘lgan. Uning turmush o‘rtog‘i ayolini parvarish qilar va har kuni Ellining kundaligini o‘qib berib, ularning sevgi tarixi haqida so‘zlab berardi.
Izoh (0)