94 ёшли актриса Жена Роулендс Альцгеймер касаллиги ва касаллик туфайли хотиранинг тўлиқ ёқолишидан азият чекмоқда. Бу ҳақда унинг ўғли, режиссёр Ник Кассаветис Entertainment Weekly нашрига берган интервьюсида сўзлаб берди.
Бундан роппа-роса 20 йил аввал актриса “Хотира кундалиги” фильмида Элли Хемилтон ролини ижро этган. Ажабланарлиси, фильм қаҳрамони ҳам худди шу касалликка чалинган аёл бўлган.
“Бир куни мен онамдан вояга етган Элли ролини ижро этиб беришларини сўрадим. Биз онам билан Альцгеймер касаллиги ҳақида кўп суҳбат қурдик, чунки у билан холисона муносабатда бўлишни истадик.
Фото: People Talk
Онам сўнгги беш йил давомида ушбу касалликдан азият чекиб келмоқда. Ҳозирда у бутунлай ақлдан озган. Биз кечирган воқеалар ҳақиқий даҳшатдек эди. Ахир у аввалига буларнинг барчасини экранда яшаб ўтди, энди эса буларнинг бари ҳаёт ҳақиқатининг бир қисмига айланди”, — деди Ник Кассаветис.
Эслатиб ўтамиз, “Хотира кундалиги” фильми премьераси 20 йил муқаддам бўлиб ўтган. Фильм қаҳрамони қариялар уйида яшайдиган ва ақлдан озган аёл бўлган. Унинг турмуш ўртоғи аёлини парвариш қилар ва ҳар куни Эллининг кундалигини ўқиб бериб, уларнинг севги тарихи ҳақида сўзлаб берарди.
Изоҳ (0)