2000-yillarning boshida Braziliya telekanallarida “Klon” seriali efirga uzatila boshlaganiga mana 23 yil to‘ldi. Butun dunyoda bir necha tillarga tarjima qilingan mashhur loyiha bosh qahramonlarni Jovanna Antonelli va Murilo Benisio ijro etgan.
Serial suratga olish paytida Jovanna badavlat tadbirkorga turmushga chiqqaniga bir yil bo‘lgan edi. Murilo esa aktrisa Karolina Ferraz bilan munosabatlarini endigina tugatgan va bir farzandning otasi edi. Ko‘p o‘tmay Jovanna turmush o‘rtog‘i bilan ajrashib, Murilo Benisio bilan yashay boshladi va oilada o‘g‘il farzand tug‘ildi. Bir necha yildan so‘ng juftlik oxir-oqibat baribir ajrashdi.
Yaqinda sobiq er-xotin ijtimoiy tarmoqda o‘zining hazilomuz videosini muxlislariga havola etdi:
Ijtimoiy tarmoqlardan ma’lum bo‘lishicha, Murilo va Jovanna hozirda do‘stona va iliq munosabatda. Kuni kecha ular Braziliyada bo‘lib o‘tgan rok festivalda ishtirok etishdi.
Suratda ular qayta aloqalarni bog‘lagan baxtli juftlikdek ko‘rinar edi. “Klon” seriali muxlislari Jadi va Lukasni ko‘rib, mashhurlar yana birga ekanligi to‘g‘risida minglab izohlar qoldira boshladi. Hozirda Jiovanna va Murilo o‘g‘li uchun ba’zan turli ijtimoiy tadbirlarda uchrashib turishadi.
Izoh (0)