Xorazm, Surxondaryo va Qashqadaryo viloyatlarida valyuta qimmatliklarini noqonuniy muomalaga kiritilishining oldi olindi. Bu haqda Bosh prokuratura huzuridagi departament xabar berdi.
Qayd etilishicha, departamentning Tuproqqalʼa tuman bo‘limi tomonidan tezkor tadbir o‘tkazilgan. Tadbirda valyuta ayirboshlash bilan shug‘ullanib kelgan J.A., B.I., D.D. jami 4 ming dollarni fuqaro Sh.A.dan 50,4 million so‘mga sotib olgan vaqtlarida ashyoviy dalillar bilan ushlangan.
Departamentning Denov tuman bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan N.M. va N.D. jami 3,3 ming dollarni fuqaro A.A.ga 41,9 million so‘mga sotgan vaqtlarida ashyoviy dalillar bilan qo‘lga olingan.
Mirishkor tumanida o‘tkazilgan tezkor tadbirda esa valyuta ayirboshlash bilan shug‘ullanib kelgan N.N. jami 2 950 dollarni fuqaro B.T.ga 37,4 million so‘mga sotgan vaqtida ashyoviy dalillar bilan ushlangan.
Departamentning Ko‘kdala tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda valyuta ayirboshlash bilan shug‘ullanib kelgan E.B. jami 2,9 ming dollarni fuqaro R.A.dan 36,3 million so‘mga sotib olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
- Avvalroq Andijon va Qashqadaryo viloyatlarida valyuta qimmatliklarini noqonuniy muomalaga kiritilishiga chek qo‘yilgani to‘g‘risida xabar berilgandi.
- Shuningdek, Buxoro va Xorazm viloyatlarida valyuta qimmatliklarini noqonuniy muomalaga kiritilishining oldi olingan edi.
Izoh (0)