Нодирбек Абдусатторов мукофот жамғармаси 350 минг АҚШ долларини ташкил этадиган турнирда қатнашади

Руминия пойтахти Бухарест шаҳрида Grand Chess Tour 2024 мусобақасининг иккинчи босқичи 26 июнь санасидан бошланади.

Мусобақанинг соврин жамғармаси 350 000 АҚШ долларини, биринчи ўрин учун мукофот жамғармаси эса 100 000 долларни ташкил этади.

Ушбу мусобақада жаҳонннинг энг тажрибали шахматчилари қатнашади. Улар орасида FIDE рейтингида 5-ўринда бораётган ўзбекистонлик Нодирбек Абдусатторов ҳам бор. 

Мусобақада қатнашувчи шахматчилар:

• Фабиано Каруана (АҚШ, 2805);
• Ян Непомняший (Россия, 2770);
• Нодирбек Абдусатторов (Ўзбекистон, 2766);
• Доммаражу Гукеш (Ҳиндистон, 2763);
• Уэсли Со (АҚШ, 2757);
• Рамешбабу Праг (2747);
• Аниш Гири (Нидерландия, 2745);
• Алиризо Феружа (Франция, 2737);
• Максим Вашиэр-Лаграве (Франция, 2732);
• Богдан-Даниэль Дяк (Руминия, 2680).

Вақтни назорат қилиш: ҳар бир ўйин учун 120 дақиқа, ҳар юриш учун 30 сония қўшилади.
Ўйин кунлари: 26—30 июнь, 2—5 июль. Дам олиш куни: 1 июль.

Маълумот учун, Нодирбек Абдусатторов Grand Chess Tour 2024 мусобақасининг биринчи турида қатнашган. Польша пойтахти Варшава шаҳрида бўлиб ўтган Superbэт Poland 2024 мусобақасида 17.5 очко тўплаган Нодирбек мусобақани 6-ўринда якунлаган эди. 

Мукофот жамғармаси 166 минг АҚШ долларини ташкил этадиган “Uzchess Cup” турнирида Нодирбек Абдусатторов иккинчи ўринни қўлга киритди.