O‘zbekistonda ilk bor mukofot jamg‘armasi 166 ming AQSH dollari bo‘lgan “Uzchess Cup” turniri o‘z yakuniga yetdi.
Musobaqa o‘zbek shaxmatchilari uchun omadli bo‘ldi. “Masters” guruhida qatnashgan Nodirbek Abdusattorov hamda Nodirbek Yoqubboyev so‘nggi turgacha peshqadamlikni saqlab turdi. So‘nggi turda Nodirbeklarning ikkisi ham raqiblari bilan murosa yo‘lini tanladi. Shunday qilib, qo‘shimcha koeffitsiyentlar evaziga Yoqubboyev birinchi o‘rinni qo‘lga kiritdi. Chempionlik bilan birga shaxmatchi 25 ming AQSH dollarini ham qo‘lga kiritdi. Ikkinchi o‘rinni egallagan O‘zbekistonning birinchi raqamli shaxmatchisi 20 ming AQSH dollariga ega chiqdi. Musobaqani 3-o‘rinda yakunlagan Yu Yangyi 15 ming AQSH dollari hisobidagi pul mukofotini qo‘lga kiritdi.
Musobaqani 5-o‘rinda yakunlagan Javohir Sindorov 10 ming AQSH dollarini qo‘lga kiritdi.
“Futures” guruhida Shamsiddin Vohidovga teng keladigan raqib topilmadi.
Musobaqa chempioni Shamsiddin Vohidov 15 ming AQSH dollarini qo‘lga kiritdi. O‘zbekiston terma jamoasi sardori Jahongir Vohidov musobaqani 5-o‘rinda yakunladi hamda qatnashchilar uchun ajratilgan 2 ming AQSH dollariga ega chiqdi.
“Futures” guruhida O‘zbekistonning 4 shaxmatchisi qatnashdi. Musobaqada Saydaliyev Saidakbar hamda Suyarov Muhammadzohid bir xil — 5,5 ochko to‘pladi, Saidakbar qo‘shimcha koeffitsiyentlar evaziga musobaqaning uchinchi o‘rnini egalladi va 3 ming AQSH dollariga ega chiqdi. Ushbu guruhda birinchi o‘rinni qo‘lga kiritgan Sivuk Vitali 7 ming AQSH dollariga, ikkinchi o‘rindagi Daneshvar Bardiya esa 5 ming AQSH dollariga ega chiqdi.
Shunday qilib Toshkentda tashkil etilgan eng yirik shaxmat turnirlaridan biri o‘z nihoyasiga yetdi. Ushbu bahslarda o‘zbek shaxmatchilari pul mukofoti bilan birga qimmatli reyting ochkolariga ega chiqdi.
Izoh (0)