Albatta, zamonaviy dunyoda ayollarning 40 va hatto 50 yoshida ona bo‘layotgani hech kimni ajablantirmay qo‘ydi. Qirollik oilalaridan bo‘lgan mazkur xonimlar o‘zlarining misollarida vaqt kelgandagina ona bo‘lish kerakligini isbotlashgan.
Yelizaveta II
Qirolicha Yelizaveta to‘rt nafar farzandning onasi edi, ulardan ikkitasi u 30 yoshga to‘lganidan keyin dunyoga kelgan. Qizig‘i shundaki, bu yosh merosxo‘rlar tug‘ilgan har ikki kun ham g‘ayrioddiy voqea bilan esda qolgan.
Misol uchun, bo‘lajak York gertsogi — shahzoda Endryu 1960-yilda tug‘ilgan va darhol bir asr hukmronlik qilgan monarxdan tug‘ilgan birinchi farzand unvoniga erishgan.
1964-yil 10-martda 37 yoshli qirolicha to‘rtinchi farzandi shahzoda Eduardni dunyoga keltiradi. Tug‘uruq jarayoni o‘sha paytdagi an’anaga ko‘ra, Bukingem saroyida bo‘lib o‘tadi va zamonaviy tarixda birinchi marta jarayonda bolaning otasi ishtirok etadi. Qirollik biografi Ingrid Syuardning so‘zlariga ko‘ra, aynan Yelizaveta buni talab qilgan. Shunday qilib, Edinburg gertsogi shahzoda Edvard tug‘ilganda xotinining yonida bo‘lib, uning qo‘lidan ushlab turgan.
Qirolicha Viktoriya
Qirolicha Viktoriyaning to‘qqiz farzandi bor edi (1840-1857-yillarda tug‘ilgan) — to‘rt o‘g‘il va besh qiz. O‘sha davr uchun mutlaqo xos bo‘lmagan narsa — u uchta bolasini 30 yoshdan keyin dunyoga keltiradi. Uning kenja qizi Beatris Viktoriya 37 yoshida tug‘ilgan.
Zara Tindoll
Malika Annaning yagona qizi 2011-yilda Angliyaning sobiq regbi sardori Maykka turmushga chiqadi. Buvisi qirolicha Yelizaveta izidan borib, 30 dan oshganda qizi Linani dunyoga keltiradi va 37 yoshini (2018-yil) nishonlashga zo‘rg‘a ulguradi. Biroq bu Zara Tindollning birinchi farzandi emas. Linaning opasi Mia 2014-yil yanvar oyida tug‘ilgan.
Keyt Middlton, Kembrij gersoginyasi
Keyt 30 yoshida shahzoda Uilyamga turmushga chiqadi. Ammo ularning oilasida farzandlar bo‘lishiga hech kim shubha qilmagan. Axir, bir kun kelib, Uilyam qirol bo‘lishi va qirolning merosxo‘rlari bo‘lishi kerak.
Juftlikning to‘ng‘ich farzandi — shahzoda Jorj ota-onasining to‘yidan ikki yil o‘tib tug‘ilgan. Keyt 2015-yilda qizi Sharlottani va 2018-yilda, 36 yoshga to‘lganidan bir necha oy o‘tgach, o‘g‘li Luini dunyoga keltiradi. Qizig‘i shundaki, ba’zilar bu Kembrij gersoglarining so‘nggi farzandi bo‘lmasligi mumkin, deb hisoblashadi.
Monako malikasi Karolina
Monako shahzodasi Reyni III va Gollivud aktrisasi Greys Kellining to‘ng‘ich qizi — Monako malikasi Karolinaning to‘rt farzandi bor. Uning uchinchi farzandi onasi 30 yoshga to‘lganda tug‘ilgan.
Biroq malika Karolinaning turmush o‘rtog‘i, sportchi Stefano Kiziragi o‘g‘li Pyer atigi 3 yoshligida fojiali tarzda vafot etadi. 1990-yilda Stefano qayiq poygasida halokatga uchraydi. 9 yil o‘tgachgina Karolina yana turmushga chiqadi — Gannover shahzodasi Ernst V Avgustga. Tez orada ularning qizi Aleksandra tug‘iladi. O‘sha yili to‘rt farzandning baxtli onasi Karolin 42 ga to‘lgandi.
Megan Markl, Sasseks gersoginyasi
To‘ylaridan besh oy o‘tgach, shahzoda Garri va gersoginya Megan ota-ona bo‘lishlari haqidagi xushxabarni e’lon qilishadi. Gersoginya homiladorlikni juda oson boshdan kechiradi. Megan barcha turdagi tadbirlarda faol ishtirok etadi. 2019-yil 6-mayda Sassekslar oilasining to‘ng‘ich farzandi dunyoga keladi – bolaga Archi Xarrison deb ism qo‘yishadi. Chaqaloq tug‘ilganda gersoginya 37 yoshda edi.
Biroz vaqt o‘tgach, jurnalistlar va muxlislarga er-xotin ikkinchi farzandni rejalashtirayotgani ayon bo‘ladi. Biroq 2020-yil noyabr oyida gersoginya iyul oyida homilasi nobud bo‘lganini aytadi. 2021-yil 14 fevralda esa ular tez orada ikkinchi marta ota-ona bo‘lishlarini e’lon qilishadi. Va nihoyat Lilibet Diana Mauntbatten-Vindzor ismli qizaloq 4-iyun kuni dunyoga keladi.
Izoh (0)