Сумка, маржон ва кўзойнак: машҳурларнинг битта квартира нархига тенг қимматбаҳо аксессуарлари (фото)

Машҳур инсонлар ишлаб топадиган миллионларини нималарга сарфлайди? Албатта, яқинларини ёки ҳеч бўлмаганда ўзини хурсанд қилиш учун. Шу сабабли юлдузлар томонидан қиммат нархга сотиб олинган ёқимли “кичкина буюмлар” ҳеч кимни ажаблантирмайди. Wday нашри баҳоси квартира билан баробар бўлган аксессуарларни харид қилган юлдузлар ҳақида сўз юритди.

Фёдор Бондарчук, маржон — 65 000 доллар

Россиялик режиссёр ва актёр Фёдор Бондарчук бу қимматбаҳо совғани актриса Паулина Андреевага Европада дам олиш вақтида тақдим этди. Италиядаги дўконлардан бирида сотиб олинган эксклюзив маржон оқ олтиндан ясалган ва олмос билан безатилган.

Ксения Собчак, сумка — 54 000 доллар

Россиялик бошловчи бу нархга Hermes Birkin сумкасини сотиб олган. Модель тимсоҳ терисидан ясалган ва тилла билан безатилган. Бу сумкани Собчак айнан ҳомиладорлигида сотиб олган, балки бу унинг барча аёлларга хос инжиқлигидир.

Гвинет Пелтроу, қуёшдан сақлайдиган кўзойнак — 408 000 доллар

Голливуд юлдузи Гвинет ҳар қандай давлат марказидан олиш мумкин бўлган яхши квартиранинг нархига аксессуарни сотиб оладиган даражада машҳур. Масалан, De Rigo Vision ва Chopard брендига мансуб қуёшдан сақлайдиган кўзойнак олтиндан ясалган ва 51 дона олмос билан безатилган. У аллақачон актрисанинг энг эвимли аксессуарига айланиб улгурган.

Бейонсе, Барби қўғирчоғи — 85 000 доллар

Юлдузлар, аввало, севимли фарзандини хурсанд қилишни хоҳлайди. Мисол учун, улар олмос билан безатилган Барби қўғирчоғини сотиб олиши мумкин. Бейонсе 160 та қимматбаҳо тошлар ва оқ тилла билан безатилган қўғирчоққа буюртма бериб, қизалоғини шундай совға билан хурсанд қилган.

Роберт Паттинсон, тилла ручка — 46 000 доллар

Бундай совға “Сумерки” франшизасининг актёри томонидан фильмдаги партнёри, шунингдек, собиқ севгилиси Кристен Стюартга туғилган куни учун қилинган. Ручка оқ тилладан ясалган бўлиб, дунё бўйича улардан атиги 40 дона бор. Бошқа ҳеч кимда шунга ўхшаш нарса йўқлигини билдириш учун Паттинсон ручкага “From R” деб ёздирган. Аммо жуфтлик бугун бирга эмас ва Кристен ушбу қимматбаҳо совға билан дасхат ёзишда давом этмоқдами ёки йўқ, буниси номаълум.

Леди Гага, арвоҳлар детектори — 50 000 доллар

Аммо энг ғалати аксессуарни доимгидек Леди Гага сотиб олади. Хонанда арвоҳларга ишонади ва унга Райан исмли шарпа таъқиб қилгандек туйилади. У арвоҳни аниқлаш учун ўзи билан 50 000 долларлик детекторни олиб юради. Қурилма хонандага фойда келтирадими ёки йўқлиги номаълум.